很久沒寫東西了，連英文都沒有寫，寫作是用力的，特別是中文，打幾隻字就累死人．沒事幹寫下寫下都覺得：又ok呀．點知一開工就mood都冇晒．過了好多日終於遇到些值得花氣力寫的事情．
上星期六晚參加了表姊Edwina在尖沙咀的化妝生日會，個Party在間'Club'開了間VIP房，任飲男仔$260一位，女仔$220．比面Edwina冇得飲都去，想扮Matrix個Neo或賭神，最後扮左賭神．
當夜像一般的派對，見到大家自己都幾開心，認識幾位新朋友，影下相，生日蛋糕，玩下骰盅，其他人唱下卡拉OK等．
如果不是星期六第二日要返教會，可以去盡ｄ，到了清晨一點半左右就先走．
人生有趣的地方是你永遠都不知道是誰改變你的命運，好像'奇幻逆緣（the curious case of benjamin button)'內的對白：You never know what's comin'
for ya.
人往往期望或以為一些成功，他們看得起的人才會帶給他們命運的改變，最後卻發現改變你命運的人總是一些你身邊的無名氏，一本你沉悶得發慌才看的書，或乘車時旁邊一個講電話的人，一個睡不著才看的電視節目．
清晨一點半沒有火車，就上了在club門口等待的一架的士出沙田．
飲了幾杯如水的'之華氏'，加幾瓶啤酒，十分清醒，同個司機叔叔聊天．就是這樣才發現一程的士是整晚的戲肉．
問下司機叔叔而家係咪全部的士都係石油氣，做左幾耐，原來已經做了三十五年，差不多退休，兩個仔都大過我結晒婚．．．
司機叔叔：你咁後生大把前途啦．
自己：個個後生都以為自己天下無敵大把前途架啦．
司機叔叔：後生你就鍾意玩，見識多ｄ．有冇女朋友呀？
自己：有．．．
司機叔叔：我同你講，咩都可以玩，感情千萬唔好玩．．．
自己：唔唔，試過兩三次就知．（其實我未試過玩）
司機叔叔：係呀， 試過兩三次就知．
自己： 即係你試過啦．
司機叔叔：係呀，當你見到個女仔你自己會好痛苦．
自己：唔唔．
司機叔叔：我同你講，當你有左新一個，就係你以前好鍾意個個搵返你，你都會覺得佢好討厭，你無辦法再喜歡佢．人就是會不斷向前，你沒有得選擇．
自己：（流汗中）前面轉左．
司機叔叔：o黎到停得唔得？
自己：（得到點解脫）ok.
停標$90.2，我比左張一百唔使找．
司機叔叔：多謝．
回家父母已經睡了，我一個人坐在自己的房裡面．
今晚個Party幾好玩，但ｄ酒cheap到：比ｄ'之華氏'稀過水，啤酒就比blue girls, 收就收$260，你同客計我就同佢計．飲你６枝啤，我知酒樓10蚊三枝，但係個道係尖沙咀上樓，d租一定貴，起碼４０蚊枝．$40 x 6 = $240，加幾杯'之華氏'水，燈油火蠟水電煤等．．．
人在罪性中打滾沒有得選擇，需要的是解脫，盡管是短暫的，酒女人背後的吸引力就是短暫的解脫．我比$260得不到，間酒吧就不明白客人需要，只顧賺錢，我作為個客人就同你吝惜，同你計到盡．
個司機叔叔打開個心，盡管他不知道自己做了甚麼，我作為個客人得到解脫，盡管是短暫的，我就同佢慷慨，覺得10%的貼士都是超值．
所以聖經說：有施散的、卻更增添．有吝惜過度的、反致窮乏。好施捨的、必得豐裕．滋潤人的、必得滋潤。
我一年前已經想開間酒吧，這間酒吧要有最好的酒，最好的音樂，最好的服務，沒有人會同客人計錢，來的人都是充滿人生不同經歷，他們是世上的跑路人，他們唯一的共同點是要找個舒服的地方，暫時忘記現實的痛苦．他們的問題得到解決，付錢就甘心樂意．
因為愈來愈發現這個世界可花錢的人太多，可找到慰藉的地方極少，這也是符合市場學的supply and Demand.
這是給不願意接受救恩的第二選擇．這也是符合神學的所謂'普遍恩典'
做得正確會是一個Guarantee Success.
我把這間酒吧命名為The Salvation.
