今天早會做Drill，做Drill的意思是安排兩個同事扮客跟Agent，同Team的其他同事跟一個經理觀察Agent的表達方式及對產品的認識程度．這樣對保險從業員的訓練已經絕無僅有，通常都是個Agent學了個產品自己出去「拾生」，只有宏利這間仲咁傳統的保險公司仲做ｄ咁係嘢．一開始極不適應，好似做戲，真是很難頂，有一次個Manager同我做，我講講下話要去洗手間，因為忍不住笑，入到洗手間沒有人就對住塊鏡大笑．
今日論到我做Agent，要介紹個危疾加住院比個客．我就照講，有ｄ問題不懂，咪講笑話我要去洗手間打電話比我經理．做完大家比Comment，我都唔怕比人插，大家直接ｄ．
大家咪比Comment，例如唔好亂講野，多ｄ講公司，少ｄ講自己，對個Plan唔熟等ｄ普通，大家都好Enjoy盡情批評因為不是個個受得了．．自己又非常好學，因為已經跳入左個池．最後到個經理比Comment，佢入行只一年多，經驗不多，但第一年的生意已經有成百萬，又在全力向前衝的時候，熱血非常，所以ｄ同事個個著晒火．
經理話我已經進步了很多（哈哈），個人無咁浮，個樣同打扮仔細左（又有ｄ想去洗手間大笑不過都忍住了），要Pro，講野清楚ｄ等．最後仲親自示範了一次，好少經理願意這樣做的．
完了之後到房見到我們區的大老闆，個人好搞笑，五十多歲，做了廿多年，Giordano 成千幾人的強積金都是他處理的．佢問：嚴生，今日你經理教得咁認真呀？
我話：係呀，大家著晒火，佢好Pro．
跟住我聽了一句把全部保險的總意都包括在內的話：Pro不是不好，不過過份認真是會嚇壞人，人要的都不過是個朋友．
果然說話真的貴精不貴多．立刻敗下陣來．我慢慢反省自己一直的感覺都嚇壞人，為證明自己比人強等無謂行為，所謂一山還有一山高．
隔離個Team就慘，聽說那個Team的老闆是我們的大老闆一手教出來的，為人作風硬朗，走的是霸氣路線，而我們的老闆是走仁道的路線．他們現在沒甚麼交流，有少少教完功夫唔要師傅的感覺．
他要求他手下的Agent打電話比以前認識的人，舊同事舊同學等，同他們說：我是XXX，現在在宏利做，你介唔介意出來見面三十分鐘同你做個理財分析，唔知你星期一定星期二得閒呢？
仲要先打電話比佢做練習，講到佢滿意先好打出街，我有幾個同期培訓的同學在那裡，見到佢地就慘，雖然都好好笑．我一開始也有見那個Team，當然很聰明地選擇了現在這個經理．
也可以講好感謝神的恩典，雖然仲有小小點解要我做保險的感覺．
第一要學的是，don't take things too
seriously，上了寶貴的一課．
沒有留言:
張貼留言