前幾天教會幾個弟兄姊妹約聚會完去西貢行山，我未認真行過山，又話好呀好呀，今朝五分鐘才起床出門，甚麼都不帶，後來覺得好似有ｄ唔好，帶埋個空背包，又覺得帶個空包有無聊，又匆匆忙忙帶埋本聖經．聚會完幾個人集合，發現個個帶個袋，又有枝stick，又有地圖，行山鞋，外套，電筒．．．我只有個空包，部Nokia
1208有個小電燈．仲未知死．
去到西貢吃午餐，風大有ｄ冷，已經知道不妙．
三點半左右開始行麥理浩徑，領隊打開張地圖，要上兩座山，上到３９９米雞公山．沒有多想就行．跟想像完全不同，未認真行過，以為有山有水，點知一開波就上一百米的石階．發現自己成日將「簡單問題複雜化，複雜問題簡單化．」人隨口一句說話就無限放大，但行山就掉以輕心，以為好簡單．
不過handle到，見到ｄ風景區好舒服，一直上上落落，都要講信任身邊的人才是最重要，好明顯如果有另外的人叫我去，自然就會問得好清楚．
行的時候會想今晚打篇應該寫甚麼，個腦run得太快幾十個topic好快就有，但自己打字速度奇慢，如果有個秘書打字神速，或有部電腦可以口述，一日真的可以upload幾十萬字．有時知道自己很多想法可以幫到人，但有心無力，得兩隻手指按下按下先嘔一篇出來．
Anyway，行到六點左右在山同山之間，天色漸黑，大家都拿電筒出來，未想過夜晚行山．．．試過的人就知感覺 ：）
七時多行完，十公里行了一共四個小時左右，突然覺得自己fit左好多，在英國最痛苦的幾年，差不多要死去，行完感受跟其他人是另一個景象．知道沒有選擇錯工作，四個月日日行街是不經不覺fit左，但是沒有指標，今日完全feel到身體回復五六成就handle這樣的難度，雖然不是很大的考驗，卻對自信心很有幫助，仲想通好多好多東西．
沒有留言:
張貼留言