使命感這東西

（只屬本人意見）

這幾天去上公司的理財策劃培訓，就是全盤計劃得很好的，但兩個月後就要計劃過的那種．感覺有點像以前做溫習時間表，plan到perfect，如果跟這個進度考試應該冇問題．結果當然plan完就算．

現在溫習時間表變理財策劃，考試變結婚生仔退休，都係plan完就算，香港的「即食文化」係完全唔會Buy，Buy都唔會跟．

這種理財策劃澳洲歐美已經很流行，幫一個客人寫一個這樣的計劃已經收一二萬， 仲未計建議內推薦產品的佣金 ，ｄ客跟個計劃有些４０歲左右退休，仲有時間返來多謝你．

香港不單冇錢收，仲要好似要求人：求你比個機會我幫你計劃下啦．一面聽一面drop notes一面向上帝「埋怨」為甚麼要我在香港做義工？

想起這個星期看書讀到一句：聖人都是人，他們都會發怒，犯錯，埋怨上帝，但都跌跌碰碰地上天堂去． 我都不是聖人，比我埋怨下啦．培訓的實用性不高，勝在有免費學分．

深刻的反而是聽到一些小故事，真的甚麼人都有．有個Agent以前是警察來的，感覺到警察幫得不夠人，轉來做保險，專向基層推銷，花十倍力氣去解釋，簽ｄ單有咁細得咁細．

他的想法是有錢人大把人理，沒有人會理些基層，他們沒有教育，非常麻煩，地方都唔見得好，但偏偏又是最需要保險的人．講到可以拍晒枱指住個客破口大罵：你個ｘ街！你死左你老婆點算呀？你個女點算呀？幾十蚊你都唔比！！你簽唔簽．

個客立刻低頭話：簽簽簽簽簽．．．

結果其他人跑百萬元桌會他就跑幾十張細單．現在年近五十頭都白晒．

另外有個理財策劃，真係理財策劃的理財策劃，個客四十歲老公死左，有一個兒子．保險留左二百萬左右，不同銀行當然狂打電話話有「好多可以做」．煩得多問個財策，個公司財策睇完個profilo，計晒數，知道她的兒子要讀書，結果叫她只買個醫療保障，其他現金不動．

我們做Agent知如果建議她一百萬保本基金，一百萬１０年定期，簽兩張Form，唔使身體檢查，三十分鐘簽名ok，佣金各３％，即拿六萬大元thank you very much！但知個客的兒子要讀書需要百多萬現金流．

用一兩件這樣的「善事」去說服自己金融界很多都是天使是沒有可能的．但得閒聽到一兩個這樣的小故事都算係咁．慢慢發現有資格買保險已經是十分幸運的事，最少證明我有健康，有足夠金錢跟能力維持．

幾個月前有個Friend同我簽完張單同我講：你將來有大客唔會太理我我都會好明白．

開始發現一張單想得最多的竟然不是我，有點天真的感覺真好．我只好暗笑在我的立場來說對我重要的人就是大客，我愈覺得重要的人簽張單再細都是大客，冇Feel你比我再多錢都請你找另外的Agent，這就是我的天下第一筍工，呵呵．（只可以這樣安慰自己　>.<）

使命感這東西，不一定要做捨己為人等驚天地泣鬼神的事．